Së fundmi, Tesla ka publikuar shifrat e shitjeve për tre muajt e parë të vitit 2023 dhe janë të shkëlqyera. Kompania dorëzoi 422,875 makina elektrike, të cilat e vendosën atë në drejtimin e duhur për të dorëzuar afër 2 milionë makina këtë vit. Tesla i rriti shitjet e saj me 4% gjatë tremujorit të mëparshëm, uli çmimet e makinave të saj në fillim të këtij viti dhe pritshmëria ishte që shitjet të rriteshin.
Duke parë performancën e Tesla-s në të njëjtën periudhë 12 muaj më parë, kuptojmë se prodhimi dhe dërgesat u rritën me 36%. Rritja e prodhimit nëpër Gigafabrikat e saj po përparon dhe Giga Berlin po thyen rekorde të reja çdo muaj. Duket se uljet e çmimeve u nxitën nga kompania që priste ngadalësim të tregut dhe përpiqej ta kundërshtonte atë në mënyrën më të mirë të mundshme. Fatmirësisht Tesla ka hapësirë për të rregulluar çmimet e saj dhe ende mbetet kompani fitimprurëse.
Vitin e kaluar Tesla dorëzoi 1.3 milion makina dhe me rezultatet e tremujorit të parë si këto, mund t’i afrohet shifrës 2 milion. Tesla do të duhet të rrisë prodhimin dhe shpërndarjen e saj me 12% çdo tremujor për të qenë në një shans për të arritur objektivin e premtuar prej 2 milionë makinash. Ndërsa kompania arriti të marrë një rritje prej 36% në performancën nga viti në vit, në thelb do të duhej që këtë performancë ta përsëritë për 9 muajt e ardhshëm.
Rikujtojmë, se pas marrjes së dy ankesave se timoni në makinën e modelit Y të Tesla-s mund të shkëputet gjatë ngarjes, rregullatorët amerikanë të sigurisë së automjeteve kanë nisur një hetim lidhur me këtë çështje. Sipas Agjencisë Kombëtare të Sigurisë së Trafikut në Autostrada, hetimi raportohet se përfshin mbi 120.000 automjete nga modeli i vitit 2023. Agjencia pretendon se në të dyja rastet kur Modeli Y iu kishte dorëzuar klientëve, atyre iu mungonte butoni që mban timonin dhe ndihmon në drejtimin e makinës.
