Sot në orën 13.27, (21:27 në Shqipëri), qielli do të nisë të errësohet për miliona amerikanë që ndodhen në atë që quhet gjurma e totalitetit gjatë eklipsit diellor të 2024. Ky është eklipsi i parë diellor që do të duket përgjatë Amerikës Veriore në shtatë vite dhe i radhës nuk do të mund të shihet në këto zona deri më 23 gusht të vitit 2044.
Amerikanët kanë nisur të përgatiten për këtë eklips që në shtator të vitit që shkoi. Tashmë apartamentet me qira në qytetet ku eklipsi do të mund të shihet i plotë dhe kushtet e motit do të jenë të favorshme janë thuajse të rezervuara totalisht. Amerikanët “çmenden” pas eklipsit diellor, qytetet me kushte te favorshme meteorologjike të rezervuara totalisht.
Ndërsa, për ata që jetojnë në shtete apo kontinente që nuk kanë lidhje fare me eklipsin e këtij viti, siç mund të jetë Shqipëria, NASA do të nisë transmetimin zyrtar të eklipsit diellor nga ora 19.00 deri në orën 22.00. Në sfond pritet të ketë komente nga ekspertë dhe pamje hap pas hapi të eklipsit. Pamjet mund t’i ndiqni në kanalin zyrtar të NASA-s në YouTube.
Sonte miliona njerëz në të gjithë Amerikën e Veriut do të dëshmojnë se dita do të kthehet në natë ndërsa hëna bllokon dritën nga dielli. Mjedisi i njerëzve do të ndryshojë gjatë lartësisë së eklipsit, i njohur si totalitet. Mund të vërehen ndryshime delikate në zonat që përjetojnë vetëm një eklips të pjesshëm diellor, por ndryshime shumë më domethënëse do të ndodhin përgjatë shtegut të ngushtë nga Meksika në Kanada, ku eklipsi i plotë diellor është i dukshëm.
Eklipsi i plotë diellor do t’ju frymëzojë për një fillim të ri dhe do t’ju inkurajojë të bëni zgjedhje të guximshme. Si do të ndikojë Mërkuri në retrogradë gjatë eklipsit diellor? Meqenëse retrogradi i Mërkurit përkon me eklipsin diellor, këshillohet të jeni të kujdesshëm dhe të durueshëm me keqkuptimet dhe të shmangni marrjen e vendimeve të mëdha. Zbuloni në këtë link se si do të ndikojë eklipsi i plotë diellor tek shenjat e zodiakut.
