Këngëtari i njohur amerikan, Jeremih përpara disa ditësh u shtrua në spital si pasojë e infektimit me koronavirus. Gjendja e tij asokohe u përkeqësua dhe sipas burimeve ndodhej në kujdes intensiv.
Por më në fund artisti ka dalë nga spitali shëndoshë e mirë dhe menjëherë ka falenderuar ekipin e tij të punëtorëve të kujdesit shëndetësor, familjen dhe miqtë.
“Së pari dhe më e rëndësishmja do të doja të falënderoja Zotin dhe ekipin e pabesueshëm të mjekëve dhe infermierëve në Spitalin Northwestern që më shpëtuan jetën. Unë do të jem përgjithmonë mirënjohës. Unë gjithashtu do të doja të falënderoja familjen dhe miqtë e mi për të gjitha lutjet dhe urimet e tyre. Një falënderim i veçantë për Chance The Rapper, 50 Cent dhe Diddy për dashurinë dhe mbështetjen e tyre.Unë jam duke u bërë më i fortë çdo ditë dhe pres që të kaloj kohë me djemtë e mi. Unë gjithashtu do të doja të falënderoja të gjithë fansat e mi dhe njerëzit në të gjithë botën që janë lutur për mua”.-deklaroi Jeremih.
Jeremih, emri i vërtetë i të cilit është Jeremy Phillip Flton, është i njohur për këngët si, “Birthday Sex”, “Down on Me” dhe “Don’t Tell Em”.
