Këngëtarja shqiptare Ava Max së fundmi ka dhënë një intervistë për “Phoenix” ku ka rrëfyer për herë të parë për diskriminimin që i është bërë mbi faktin që është emigrante.
Prindërit e saj kanë emigruar në SHBA kur ajo ishte fare e vogël dhe për shumë vite kanë punuar nga 3 punë në mënyrë që të mund të blinin një shtëpi.
Ajo i përshkruan femrat e familjes së saj e mbi të gjitha femrat shqiptare si më të fortat. “Nëna ime, gjyshja ime, tezja ime, ato gjithmonë u kanë treguar meshkujve ato që kanë në kokë” ,-tha ajo.
Këngëtarja përfundoi intervistën e saj duke thënë se ndihet vërtetë shqiptare megjithëse shumë shpesh është ndjerë e refuzuar dhe e diskriminuar nga ky fakt.
