Tema e rradhës në Live From Tirana i dedikohet ish-ave, të cilët prej shekujsh kanë frymëzuar krijimin e shumë veprave letrare, muzikore apo të artit për të cilat flitet edhe sot.
Ne ju kërkuam me anë të platformave tona sociale që të na tregoni nëse mbani ende raporte miqësie me ish-in tuaj apo e keni mohuar atë përgjithmonë. Krahas kësaj ajo që na bën të gjithëve kuriozë janë përgjigjet e vip-ave që në LFT nuk mungojnë kurrë.
Sot me ne ishte Dren Abazi, këngëtari nga Kosova projektet muzikore të të cilit na ëmbëlsojnë ditën. Por, a ka shkruar ndonjëherë Dreni për një ish-partnere siç bëjnë gati të gjithë artistët e tjerë?! Për mikrofonin e TAR ai theksoi se ka shkruar këngë të frymëzuara nga histori të vërteta por për një ish, nuk do të shkruante kurrë.
“Për shumë këngëtarë ish-at shndërrohen në muza nga ku lindin albume të sukseshme por unë nuk mbaj raporte me asnjë nga ish-at e mi. Nuk besoj se pas ndarjes mund të ketë ndonjë miqësi dhe nuk do të frymëzohesha kurrë nga to” -tha ai duke i vënë kapakun kësaj teme.
