Ministri i Jashtëm rus Sergei Lavrov ka mbërritur në Korenë e Veriut, sipas agjencisë shtetërore ruse të lajmeve Tass.
Dy vendet kanë pasur disa aktivitete diplomatike të mëparshme pasi ministri rus i mbrojtjes Sergei Shoigu vizitoi Korenë e Veriut në korrik dhe udhëheqësi i Koresë së Veriut Kim Jong Un udhëtoi për në Rusi muajin e kaluar.
Më herët gjatë javës, Lavrov shoqëroi Vladimir Putin në një vizitë në Pekin, ai e vizitoi për herë të fundit Korenë e Veriut në vitin 2018.
Gjatë vizitës së tij dyditore, Lavrov pritet të takohet me ministrin e jashtëm të Koresë së Veriut, Choe Son Hui, tha agjencia shtetërore ruse e lajmeve RIA Novosti.
Putin pranoi gjithashtu një ftesë nga Kim për të vizituar Korenë e Veriut, por koha nuk është bërë e ditur.
