Prej muajsh tashmë është përfolur në media për shtatzëninë e Genta Ismajlit. Por pritjes i erdhi fundi pasi këngëtarja më në fund u bë nënë për herë të parë së bashku me partnerin e saj, Usta. Dyshja janë bërë prindër, por me një lumturi të dyfishtë, pasi familjes së tyre i janë shtuar tanimë dy anëtarë të rinj, një vajzë dhe një djalë për të cilët nuk dimë më shumë.
Deri para pak orësh as këngëtarja bukuroshe dhe as biznesmeni turk nuk kishin bërë asnjë postim në lidhje me vogëlushët që nga lindja e tyre, por tani pritjes i erdhi fundi. Genta nëpërmjet një postimi në rrjetin e saj social Instagram publikoi një foto të dy veshjeve të binjakëve dhe gjithashtu zbuloi edhe një detaj tjetër, emrin e injakëve të saj. Emrat e bebeve janë Icon dhe Blue Ivy.
E nëse ky i fundit ju duket i ngjashëm me emrin e një tjetër fëmije të njohur të showbiz-it, por jo në vendin tonë, keni të drejtë. Bëhet fjalë pikërisht për vajzën e çiftit Beyonce- Jay Z. Ndryshimi që Genta ka bërë te vajza e saj është ndryshimi i vendeve të emrave nga “Blue Ivy” në “Ivy Blue”.
Rikujtojmë se, edhe para pak ditësh Genta publikoi këngën e saj në bashkëpunim me reperin gjerman Eko Fresh dhe Phat Crispy. Bashkëpunimi mes tyre u titullua “Bad Bitch” dhe nuk rezultoi të ishte një dedikim për binjakët e saj ashtu siç ishte përfolur. Ky bashkëpunim e riktheu bukuroshen në tregun muzikor pas një pauze mjaft të gjatë për shkak të shtatzënisë së këngëtares.
