Para pak kohësh këngëtarja e njohur Billie Eilish ndau me të gjithë ndjekësit dhe fansat e saj një lajm shumë të gëzueshëm. Krijuesja e hitit të njohur ‘Happier Than Ever’ po përgatitej për të drejtuar për herë të parë një episod të ‘Saturday Night Live’. Dhe kjo ndodhi.
Shfaqja në “Saturday Night Live” u bë më shumë edhe familjare. Billie Eilish iu bashkua anëtarëve të familjes së saj brenda ‘Rockefeller Center’ ndërkhë që ajo ishte edhe prezantuese dhe e ftuar muzikore e episodit të fundit të shfaqjes së komedisë.
Të parët ishin prindërit e saj Maggie Baird dhe Patrick O’Connell, të cilët prezantuan me krenari vajzën e tyre, e cila mbush 20 vjeç të shtunën e ardhshme, ndërsa ajo përgatitej të këndonte këngë me të njëjtin titull si albumi i saj i dytë në studio, “Happier Than Ever”.
Për këtë rast, Baird veshi një ‘hoodie’ të zi të adhurueshëm me fytyrën e qeshur të Eilish-it të ngjitur në pjesën e përparme me frazën “Mami i Billie”. Më vonë gjatë shfaqjes këngëtares iu bashkua edhe vëllai Finneas për një performancë mahnitëse të “Male Fantasy” nga albumi i saj.
Rikujtojmë gjithashtu se Billie Eilish mund të njihet për intimitetin e heshtur të saj në albumet si “When We All Fall Sleep, Where Do We Go?” dhe “Happier Than Ever”, por ajo dhe vëllai i saj, producent dhe bashkë-shkrimtar, Finneas O’Connell, i cili regjistron dhe punon vetëm me emrin e tij të parë, kanë pasur prej kohësh një ambicie madhështore dhe të guximshme për James Bond.
Gjatë një interviste Finneas është shprehur se:
Ne i bëmë të ditur ekipit tonë se kulmi i ëndrrave tona ishte të bënim një këngë për James Bond. Gjatë gjithë jetës sonë, ne shkruanim një melodi të vogël dhe mendonim, ‘Oh, ky është një lloj si tek Bond’.
