“At the Movies” solli sot në Top Albania Radio, lajmin se “Shkëlqimi dhe rënia e shokut Zylo”, vepra e të madhit Dritëro Agolli, do të vijë së shpejti në një film.
Më tepër detaje na zbuloi regjisori i filmit, Fatmir Koçi, duke pohuar se kjo ide atij i kishte lindur shumë kohë më parë. “Shoku Zylo” vjen ashtu sikurse Dritëroi e solli në romanin satiro-komik, pa i ndryshuar asgjë, veçse duke i shtuar disa elementë filmikë të nevojshëm, të pëlqyer edhe nga e bija e Agollit.