Oliver Varheyli, Komisioneri për Zgjerim në Bashkimin Evropian jep lajmin se javën e ardhshme do të mbërrijnë në Ballkanin perëndimor 651 mijë vaksina Pfizer.
Përmes një mesazhi në “Twitter”, komisioneri Varheyli thekson se javën që vjen do të udhëtojë edhe vetë në Ballkanin Perëndimor, për të sjellë dozat e vaksinave të kompanisë Pfizer-BioNTech.
I will be travelling to #WesternBalkans next week as first #EU-funded #COVID19 vaccines arrive to the region. 651,000 @BioNTech_Group @pfizer vaccine doses will be delivered from May to August to boost vaccination campaigns. We care! https://t.co/ufYDnRtBCc pic.twitter.com/3KObM3D7Qa
— Oliver Varhelyi (@OliverVarhelyi) April 30, 2021
Kujtojmë se nga kjo dërgesë e BE, 145.000 doza vaksine do të sillen në Shqipëri. Komisioneri Verhelyi shkruan:
Unë do të udhëtoj në Ballkanin Perëndimor javën e ardhshme, pasi vaksinat e para kundër Covid-19 të financuara nga BE arrijnë në rajon. 651 000 doza të vaksinës Pfizer-BioNTech do të dorëzohen në muajin maj deri në gusht për të rritur fushatën e vaksinimit. Ne kujdesemi!
