Dj Blunt prej javësh është përfshirë në një konflikt online me kolegë të tjerë reperë nga Kosova dhe duket se sharjet dhe kërcënimet online nuk do të përfundonin kurrë.
Mbrëmjen e kaluar burime pranë “Blitz.al” kanë konfirmuar se reperi i famshëm është sulmuar me armë të ftohta në zonën B në Prishtinë.
Ai është sulmuar nga një grup djemsh ende të paidentifikuar dhe për shkak të plagëve ai është dërguar menjëherë në spital.
Kolegu i tij Real 1 me anë të disa video-ve të postuara në rrjetin social Instagram ka qetësuar fansat e reperit duke thënë se ai është në gjendje të mirë shëndetësore dhe plagët nuk ishin serioze.
Ai u ka kërkuar atyre të mos përhapin panik pasi e gjitha kjo ishte vetëm një keqkuptim.
