Lista e personave të famshëm të cilët kanë marrë nismën dhe i kanë hyrë botës së biznesit dhe duke krijuar linjat e tyre në fusha të ndryshe jo vetëm në industrinë e bukurisë por edhe përsa i përket produkteve të ndryshme si për kujdesin e lëkurës ashtu edhe ato të kozmetikës.
Ellen DeGeneres është një nga ato të famshme që së fundmi e ka ndërmarrë këtë hap dhe po kërkon të aksionojë kompaninë e saj më të re.
Prezantuesja televizive e bëri këtë njoftim të rëndësishëm pas përfundimit të shfaqjes së saj ‘The Ellen DeGeneres Show’. Ajo bëri një prezantim edhe të linjës së saj më të re që pritet të quhet ‘Kind Science’. Ellen tha se diapazoni i cili është vendosur të dalë në fund të këtij muaji, është zhvilluar gjatë tre viteve të fundit. Kompania e re inkurajon konsumatorët të përqafojnë moshën dhe jo rrudhat e tyre! Kind Science ka për synim kujdesin efektiv të lëkurës dhe është krijuar për të gjithë.
Kompania mburret se produktet e tyre janë të mira për lëkurën, kafshët dhe mjedisin. Hedhja në terg e produkteve të bukurisë është pak interesante pasi Ellen më parë kishte një partneritet të gjatë me ‘CoverGirl’ gjatë disa viteve.
Ajo së pari u bë imazhi i ‘CoverGirl’ në vitin 2008 dhe ishte një partneritet shumë i suksesshëm pasi ‘CoverGirl’ u bë marka e parë kozmetike amerikane që arriti 1 miliard dollarë shitje brenda një viti nga lançimi i Ellen sipas ‘The Drum.
Prezantuesja tha se ajo dhe ekipi i saj kanë zhvilluar këto produkte për tre vjet dhe se Ellen e ka përdorur produktin në atë hapësirë së bashku me miqtë, familjen dhe të tjerët të cilëve u kishte dërguar.
Ellen përfundoi reklamën duke përmendur disa nga përfitimet dhe madje shpjegoi emrin ku u shpreh se:
Ne e quajmë atë ‘Kind Science’ sepse është e pranueshme për kafshët, lëkurën tuaj, plantetin dhe për portofolin tuaj gjithashtu. Pra, është gjithçka e mirë.