Komisioni Qendror i Zgjedhjeve certifikoi sot mandatet midis subjekteve zgjedhore dhe përcaktimin e kandidatëve fitues në të gjitha zonat zgjedhore të vendit.
Komisioneri Shtetëror Ilirjan Celibashi theksoi:
Në hartimin e projektaktit përfundimtar do të merret parasysh edhe pretendimi i Partisë Demokratike për përcaktimin e përkatësisë politike të kandidatëve fitues të rastit kur këto parti politike janë pjesë e një koaliconi. Pretendimi qëndron e do e reflektojmë në zbardhjen e projektaktit. Në rastet kur kandidatët fitues janë pjesë e listës shumëemërore të një koalicioni do jetë e përcaktuar edhe partia politike të cilës i përket kandidati fitues.
Celibashi detajoi shpërndarjen e mandateve:
Qarku Gjirokastër:
PS 3, PD-AN, 1
Qarku Dibër:
PD 3, PS, 2 mandate
Qarku Durrës:
PS 8, PD 6 mandate
Qarku Tiranë:
PS 18 mandate, PD 15, LSI 2 dhe PSD 1
Qarku Shkodër:
PD 5, PS 3, PSD 2, LSI 1
Qarku Berat:
PS 5, PD, 2
Qarku Kukës:
PD 2, PS 1
Qarku Korçë:
PS 6 mandate dhe PD 5
Qarku Lezhë:
PD 4 mandate, PS 3
Qarku Vlorë:
PS 8 mandate, PD 4 mandate
Qarku Elbasan:
PS 8 mandate, PD 6
Qarku Fier:
PS 9 mandate, PD 6 dhe LSI 1
Në rang vendi, Partia Socialiste fitoi në zgjedhje 74 mandate deputetësh, Partia Demokratike 59, Lëvizja Socialiste për Integrim 4 dhe Partia Social Demokrate 3.
