Ish-banorja e edicionit të parë të “BBV” dhe njëkohësisht këngëtarja Beatrix Ramosaj ka reaguar me anë të një videoje në llogarinë e saj në Instagram teksa ka folur në lidhje me të gjitha sulmet që asaj i janë bërë këto kohë nga mediat dhe jo vetëm. Menjëherë pasi Beatrix postoi videon në rrjetet sociale, reagimet ishin të shumta. Bukuroshja mori mbështetje nga të gjithë personazhet e njohur të ekranit.
Së fundmi ka reaguar dhe Meridian Ramçaj. Ish-banori i “Big Brother VIP” ka postuar një shkrim të gjatë në InstaStory-n e tij në Instagram. Ai shkroi:
E dashur Beatrix Ramosaj. Lotët janë shumë të shtrenjtë dhe ato meritojnë të derdhen vetëm për raste të merituara si gëzime apo hidhërime por asnjë lot kot. Asnjë sekond nga jeta jote, energjia jote, emocioni apo ndjenja jote nuk duhet të shkojë për diçka që nuk të përket. Trixa…nëse të duket sikur po humbet gjithçka, kujto që edhe pemët çdo vit humbasin gjethet e tyre por qëndrojnë drejt e krenare duke pritur ditë të mira për të gjethuar sërish. Sa herë je e mërzitur Trixa kujto që:
1. Negativiteti i njerëzve të tjerë nuk është problem i yti dhe ti duhet thjesht ta injorosh dhe të qeshësh.
2. Dhimbja është pjesë e rritjes dhe plagët janë kujtesë e forcës për të mbijetuar çdo situatë të shëmtuar.
3. Çdo gjë është e përkohshme në këtë jetë si ‘Lavdia dhe Rënia e Shokut Zylo’ ashtu edhe bullizimi i figurës tënde nga individë që ende nuk i kanë dhënë kuptim jetës së tyre.
4. Ajo që është shkruar për të ndodhur do të ndodhë ndaj mos u pendo kurrë për të shkuarën as mos kërko të kthesh kohën pas, pasi nuk ka gabime në këtë jetë vetëm mësime.
5. Ditë pas dite, hap pas hapi ajo që duhet të patjetër të bësh është vetëm të shohësh para me kokën lart dhe pozitivitet dhe ndaj atyre që duan të të zhysin në llumin e jetës së tyre. Për narcisistët dhe njerëzit toksikë është një e vërtetë: Në momentin kur ata e ndjejnë që nuk kanë asnjë kontroll tek ty, ata do të përpiqen të kontrollojnë e manipulojnë. Si të shohin të tjerët ty? Të duam siç je e qeshur, e çiltër dhe si thuhet në shqip e bukur??
Pas kësaj ka reaguar dhe Beatrix e cila e ka ripostuar shkrimin e tij dhe e shoqëroi me fjalët:
Ti ke një zemër floriri Meridian. Si gjithmonë fjalëmirë. Të falenderoj pa masë për këtë mesazh të bukur që më ngrohu shpirtin. Dhe që gjithmonë më del në krah.
