Këngëtarja Billie Eilish vizitoi Shtëpinë e Bardhë të mërkurën për t’u takuar me Presidentin Biden përpara koncertit të saj në Uashington, D.C. Këtë lajm e bëri vetë të ditur Joe Biden i cili shkroi në rrjetin e tij social zyrtar Twitter se:
Kur dëgjova miqtë e mi @billieeilish dhe @finneas ishin në qytet për një shfaqje, e dija se duhej t’i ftoja në Shtëpinë e Bardhë. Shkëlqyeshëm të shoh ty dhe familjen tënde dhe më vjen mirë që takuat edhe Commander-in.
When I heard my friends @billieeilish and @finneas were in town for a show, I knew I had to invite them over to the White House. Great to see you and your family — and I’m glad you got to meet Commander. pic.twitter.com/6glg618sil
— President Biden (@POTUS) February 10, 2022
Pas këtij twwet-i ai kishte postuar edhe një foto së bashku me Eilish dhe vëllain e saj Finneas O. ‘Connell, i cili është gjithashtu një kantautor. Shtëpia e Bardhë i tha “The Hill” në një deklaratë të bërë të enjten se familja Biden “kanë qenë prej kohësh fansa” të muzikës së Eilish dhe Finneas.
Eilish, Finneas dhe prindërit e tyre Maggie dhe Patrick u ftuan të bënin një vizitë në Shtëpinë e Bardhë dje për të takuar edhe Presidentin Biden, sipas Shtëpisë së Bardhë. Eilish performoi në arenën Capital One në DC të mërkurën mbrëma.
Është vënë në dukje se të dy ata e mbështetën presidentin gjatë fushatës së 2020.
Billie dhe Finneas ishin mbështetës gjatë fushatës së Biden dhe familja Biden ka qenë prej kohësh adhuruese e muzikës së tyre.
Eilish performoi në konventën virtuale të Komitetit Kombëtar Demokratik 2020 në gusht të atij viti, duke dhënë performancën e saj të parë publike të këngës së saj “My Future”. Këngëtarja kritikoi gjithashtu presidentin e atëhershëm Trump në këtë ngjarje, duke thënë se ai “po shkatërronte vendin tonë dhe gjithçka që na intereson”.
Ne kemi nevojë për liderë që do të zgjidhin probleme si ndryshimi i klimës dhe COVID, të mos i mohojnë ato. Liderë që do të luftojnë kundër racizmit dhe pabarazisë sistematike. Dhe kjo fillon duke votuar për dikë që e kupton se sa është në lojë. Dikush që po ndërton një ekip që ndan vlerat tona. Fillon me votën kundër Donald Trump dhe për Joe Biden.
Kujtojmë gjithashtu se kënga e Eilish dhe Finneas “No Time To Die”, kënga me temë e filmit të James Bond me të njëjtin emër, u nominua për Oscar për këngën më të mirë origjinale të martën.
