Në emisionin “Delema Sociale” me Eno Popin i ftuar në studio ishte edhe Pedagogu Rezart Prifti. Në studion e Top Albania Radio-s u diskutua rreth të rinjve dhe përfshirjes së tyre në politikë dhe më e rëndësishmja pse ata largohen gjithmonë edhe më shumë nga votimet.
- Të rinjtë shqiptarë nuk votojnë pasi këtu të votosh nuk ka vlerë.
- Të rinjtë nuk janë rebelë, ata janë më të ndërgjegjshëm se më përpara, por thjesht nuk i tërheq kauza.
- Ata nuk ndihen të përfaqësuar në politikë.
- Mungesa e përfaqesimit mbi bazë vlerash, mungesa e meritokracisë.
- Çështje besimi, ata nuk kanë besim tek sistemi dhe nuk kanë siguri. Në shqipëri nuk ekziston bashkëpunimi që rrjedhimisht lidhet me besimin tek njëri-tjetri e më pas tek politika.
Gjatë intervistës Eno Popi e pyet pedagogun nëse të rinjtë mund të blihen për votat dhe mendimi i tij ishte se të rinjtë vetëm mund të shantazhohen.
“Ata nuk janë të shitshëm ose të bleshëm, thjeshtë kanë probleme me vendimmarrjen. Prandaj misioni i shkollimit është që t’i formojë ata dhe t’ju mësojë se cilat janë vlerat e vërteta” -shton Rezart Prifti.
