Scarlett Johansson dhe Colin Jost mesa duket janë jashtëzakonisht të lumtur dhe për këtë kanë një arsye shumë të fortë pasi ata janë bërë prindër. Ky lajm i bukur është bërë publik nga vetë Colin i cili nëpërmjet një interviste ditën e djeshme konfirmoi se bashkëshortja e tij Scarlett ishtë shtatëzënë.
Pavarësisht se Colin e konfirmoi vetë lajmin teksa ishte në teatër dhe po luante një nga komeditë e tij, thashethemet se ylli i “Black Widow” ka qenë shtatëzënë kanë qarkulluar dhe më parë. Gjatë eventeve të cilat janë organizuar para dhe pas premierës së filmit, mugesa e saj është vënë re dukshëm. Të dy partnerët nuk kanë dashur që të jenë në qendër të vëmendjes në lidhje me shtatëzëninë e Scarlett, prandaj dhe nuk kanë folur asnjëherë gjatë gjithë asaj kohe.
Nëpërmjet një postimi në llogarinë e tij në Instagram, Colin njoftoi të gjithë ndjekësit e tij se ai ishte bërë baba. Djali i vogël e ka emrin Cosmo dhe përveç kësaj, Colin ka pasur dhe një kërkesë e cila kërkon që të mirëkuptohet nga të gjithë. Kjo ka të bëjë me privatësinë që ata duan të kenë. Megjithatë, mesa duket privatësia nuk do të jetë një problem i madh, pasi edhe lajmin e shtatëzënisë ata e bënë publik një ditë para se Scarlett të lindte.
