Seriali shumë i dashur për publikun “Sex and the City”, po rikthehet sërish në ekran. Protagonistet e serialit do të kenë të njëjtat role që kishin dikur, duke nisur nga Sarah Jessica Parker, Cynthia Nixon dhe Kristin Davis, por nuk do të jetë “Samantha” e Kim Cattrall.
Aktorja Kim Cattrall njoftoi më parë se nuk do t’i rikthehet serialit “Sex and the City” pa e treguar arsyen e vendimit të saj. Mirëpo, përveç Cattrall, në rikthimin e serialit do të mungojë gjithashtu “Mr. Big”, i luajtur nga aktori Chris Noth.
Noth momentalisht është duke luajtur në serialin “The Equalizer”, si edhe po xhiron dy filma, “Brooklyn All American”, dhe “Someday Sometime”. Xhirimet e këtij seriali do të nisin gjatë pranverës së ardhshme në New York, pasi të qetësohet e gjithë situata e COVID-19.