Beniada Nishani ishte një nga finalistet e ‘BBV’ dhe një nga personazhet më të dashura për publikun. Pas mbarimit të kësaj eksperience ajo ka vazhduar karrierën e saj, por tani me një vëmendje më të madhe. Prej pak kohësh bukuroshja ka nisur jetesën në Tiranë, për të realizuar projekte te reja, jo tashmë në modeling, por edhe në moderim si bashkëprezantuese në “Procesi Sportiv”, pasi ajo dëshiron që të qëndrojë këtu dhe ta fillojë karrierën e saj edhe në vendin e saj.
Mirëpo, teksa dihet tanimë se familja e saj qëndron në Itali, padyshim që si një vajzë që është mësuar të qëndrojë me ta, modelen e merr malli për njerëzit e dashur. Duket se bukuroshja nuk po qëndron dot pa ta dhe do t’ju bëjë një vizitë duke u nisur drejt qytetit ku ata jetojnë, Ravenna. Këtë e ka bërë me dije vetë Beni me anë të një ‘selfie’ të postuar pak minuta më parë në llogarinë e saj në Instagram, ku krahas ka shkruar:
Edhe pak do nisem për Ravenna, më në fund. 4 muaj pa takuar familjen time!
E ftuar në ‘Më lër të flas’, Beni u pyet lidhur me marrëdhënien e saj me Einxhel Shkirën, ish- banore e ‘BBV’ me të cilën modelja krijoi një shoqëri shumë të mirë brenda shtëpisë, megjithatë kudo po përflitej se mes tyre miqësia ishte prishur dhe lidhur me këtë foli vetë ajo.
Modelja gjithashtu u pyet lidhur me jetën e saj personale dhe bukuroshja në mënyrë jo të drejtpërdrejt na tregoi se në fakt është ‘single’.
