Aktorja e famshme, Emma Roberts është bërë nënë për herë të parë. Artistja ka sjellë në jetë një djalë. “TMZ” thotë se djali i Roberts dhe i partnerit Garret Hedlund ka ardhur në jetë i shëndetshëm dhe dyshja e kanë pagëzuar me emrin Rhodes. Mediat e huaja mësuan në muajin qershor se Emma ishte në pritje të ëmbël dhe më pas e konfirmoi vetë ajo. 29-vjeçarja ndau në Instagram foto me barkun e rrumbullakosur, duke zbuluar gjithashtu gjininë e bebushit që pritej të sjellë në jetë.
Por sekretin e shtatzënisë së saj e zbuloi fillimisht e ëma, që e ndau lajmin me fansat e aktores, pavarësisht se ajo e mbante të fshehtë.
Ishte një katastrofë. Dhe të gjithë këtë e mora vesh kur isha në avion. Kështu që nuk mund të flisja me mamin. Kur folëm më pas qeshëm të dyja dhe pastaj filluam të debatonim. Në një moment i bëra block. Ishte arma ime e vetme. Por më vonë ajo më shkroi në orën 2 të mëngjesit: ‘Më ke bërë block?’ me një fytyrë të trishtuar. Pastaj i bëra unblock. Ka qenë një luftë e vërtetë në Instagram me nënën time. Një histori e mirë për t’i treguar foshnjës.
