Kryeministri britanik njoftoi pak çaste më parë një valë të re sanksionesh antiruse në përgjigje të aksionit ushtarak të Moskës në Ukrainë. Boris Johnson përmendi mes 10 bllokadave, ngrirjen e të gjitha llogarive të bankave ruse nga tregu financiar britanik. Mes të sanksionuarëve janë edhe 100 individë, subjekte apo kompani të tjera ruse.
Gjithashtu Johnson njoftoi masa për të kufizuar kapitalin e depozituar nga qytetarët rusë në llogaritë bankare britanike.
Të gjitha bankat kryesore ruse do të kenë aktivet e tyre të ngrira dhe do të përjashtohen nga sistemi financiar i Mbretërisë së Bashkuar. Kjo do t’i ndalojë ata të kenë akses në pagesat e sterlinës dhe kleringut përmes MB. Kjo përfshin një ngrirje të plotë dhe të menjëhershme të bankës VTB
-Legjislacioni do të ndalojë kompanitë e mëdha ruse dhe shtetin të mbledhin financa ose të huazojnë para në tregjet e Mbretërisë së Bashkuar
-Ngrirja e aseteve do të vendoset për 100 individë ose subjekte të reja
-Linja ajrore Aeroflot do të ndalohet të aterojë në Britaninë e Madhe
-Do të ketë një pezullim të licencave të eksportit me përdorim të dyfishtë për të mbuluar gjërat që mund të përdoren për qëllime ushtarake
-Brenda ditëve, Mbretëria e Bashkuar do të ndalojë eksportet e artikujve të teknologjisë së lartë dhe pajisjeve të rafinerisë së naftës
-Do të ketë një kufi për depozitat që rusët mund të bëjnë në llogaritë bankare të Mbretërisë së Bashkuar
-Mbretëria e Bashkuar ka një qëllim të “punojë me aleatët” për të mbyllur pagesat e Swift, por “është një sfidë”, tha Johnson.
-Sanksione të ngjashme financiare do të shtrihen në Bjellorusi për rolin e saj në sulmin ndaj Ukrainës
-Mbretëria e Bashkuar do të sjellë pjesë të projektligjit për krimin ekonomik përpara pushimeve të Pashkëve
Ndërkaq prej 1 ore, presidenti amerikan Biden ka mbledhur Këshillin Kombëtar të Sigurisë ku po diskutohen sanksionet financiare ndaj Kremlinit.
Pasi Perëndimi po e kërcënon njëzëri për sanksione, reagon Vladimir Putin. Në një takim me biznesmenë në Moskë, presidenti rus u shpreh se Rusia është pjesë e ekonomisë botërore e nuk kemi synim të dëmtojmë atë sistem.
“Nuk besoj se partnerëve tanë iu leverdis të na shtyjnë jashtë sistemit. Ajo që po ndodh në Ukrainë është një masë e nevojshme, nuk na u la asnjë mundësi për të vepruar ndryshe” tha Putin.