Së fundmi, partnerja e futbollistit Neymar, Bruna Biancardi është bërë nënë e vogëlushes Mavie. Ajo dhe Neymar kishin lajmëruar ardhjen në jetë të vajzës së tyre në rrjetet sociale por gjërat mes dyshes nuk shkuan mirë. Futbollisti, i përfshirë vazhdimisht në afera dhe flirtime me gra të tjera, u përpoq t’i qëndronte besnike modeles por pa sukses. Biancardi nuk i përballoi të gjitha këto “thika pas shpine” të Neymar dhe vendosi t’i jap fund lidhjes së tyre. Me anë të një mesazhi në Instagramin e saj, Bruna deklaroi:
Është një çështje e veçantë, por duke qenë se jam e lidhur me lajme, thashetheme dhe batuta përditë, dua t’ju bëj me dije se nuk kam asnjë lidhje me askënd. Ne jemi prindërit e Mavie dhe kjo është arsyeja e lidhjes sonë. Shpresoj që të mos më lidhni më me lajmet e shpeshta. Faleminderit shumë.
View this post on Instagram
Rikujtojmë, se dyshja filluan të takoheshin në prill të vitit 2022. Neymar dhe Biancardi njoftuan shtatzëninë në prill me një postim special në Instagram. 31-vjeçari ka edhe një djalë 12-vjeçar, Davi Lucca, me Carolina Dantas. Futbollisti e tradhtoi Bruna-n në Rio konkretisht ditën e Shën Valentinit dhe më pas 29-vjeçarja vendosi rregulla për tradhtinë e tij. Sipas informacioneve të konfirmuara nga kolumnisti Erlan Bastos, Neymar ishte i lirë të flirtonte dhe madje të bënte seks me femra të tjera, por për këtë kishte 3 kushte. “Ai duhet të jetë i matur, të përdorë prezervativ dhe të mos i puthë në buzë”-kishte shprehur Bruna.
