Neymar ndodhet në periudhën e rikuperimit pas dëmtimit që pësoi me Kombëtaren e Brazilit në ndeshjen e vlefshme për kupën e Amerikës. Ylli i futbollit u bë baba për herë të dytë përpara disa muajsh, pasi ish-partnerja e tij, Bruna Biankardi, solli në jetë vajzën e tyre Maria dhe pak më vonë ata konfirmuan ndarjen.
Ekipi brazilian Santos janë duke bërë gati një ofertë, për të rikthyer Neymarin përsëri në klub në një të ardhme të afërt. Neymar mori famën kur arriti që me fanellën e Santosit të shënojë plotë 136 gola në 225 ndeshje, para se t’i bashkohej Barcelonës në vitin 2013. 32-vjeçari fitoi tre tituj të ligës e po ashtu edhe Copa Libertadores, para se të bëjë kalimin e ‘ëndrrave’ në Evropë. Pasi iu bashkua Paris Saint-Germainit për një shifër rekord të transferimit në 2017, Neymar dështoi që të fitojë një trofe të Ligës së Kampionëve, pas suksesit që kishte pasur me Barcelonën në 2015. Ai eventualisht pësoi gjatë verës një kalim në Lindjen e Mesme tek gjiganti arab Al-Hilal, por këtë herë aventura e tij në Arabi u ndërpre nga dy lëndime serioze. Një lëndim i rëndë në gju në tetor të vitit të kaluar solli nevojën e operimit dhe tashmë Neymar nuk do të paraqitet më këtë sezon, teksa po vazhdon rikuperimin në Riad. Marrëveshja e tij aktuale me Al-Hilalin skadon në vitin 2025, por Santos janë duke monitoruar me kujdes situatën e tij dhe tashmë presidenti i klubit Marcelo Teixiera, konfirmoi se bisedimet kanë nisur.
“Biseda me Neymarin ishte shumë e shpejtë, por bisedat e shpejta gjithmonë në fund përfundojnë duke pasur një efekt të mirë”, ka thënë Teixieira.“Të rikthehet dhe të luajë këtu, ai duhet të rikuperohet mirë nga lëndimi. Ai do të vazhdojë eksperiencën e tij në Arabinë Saudite dhe më pas do të rikthehet këtu.“
