Neymar prej disa kohësh ndodhej në periudhën e rikuperimit pas dëmtimit që pësoi me Kombëtaren e Brazilit në ndeshjen e vlefshme për kupën e Amerikës. Ylli i futbollit u bë baba për herë të dytë përpara disa muajsh, pasi ish-partnerja e tij, Bruna Biankardi, solli në jetë vajzën e tyre Maria dhe pak më vonë ata konfirmuan ndarjen.
Nga ana tjetër, futbollisti i famshëm brazilian, Neymar Junior është rikthyer në stërvitje për herë të parë pas atij dëmtimi të rëndë dhe fansat kanë vënë re se ai duket më i shëndoshë se kurrë më parë. 32-vjeçari brazilian pësoi dëmtimin më të rëndë të mundshëm për një futbollist, pasi katër muaj më parë grisi ligamentet e kryqëzuara të përparme të gjurit. Pas operimit, pasuan terapi të dhimbshme, të cilat futbollisti i njohur i ndante rregullisht në rrjetet sociale. Lotët ishin pjesë gjatë terapive të dhimbshme, por Neymar u rikthye, dhe dje bëri stërvitjen e parë me ekipin e Al-Hilal. Natyrisht, ai ka punuar veçmas nga pjesa tjetër e grupit dhe pa top. Ai është stërvitur dhe pak lehtë në palestër. Megjithatë, tifozët vunë re një peshë të dukshme të tepërt, e cila deri diku është e pritshme për dikë që ka qenë në procesin stërvitor gjatë gjithë jetës së tij, dhe më pas befas nuk mund të lëvizë për shkak të një dëmtimi.
Neymar Jr continue sa rééducation au centre d’entraînement d’Al Hilal. pic.twitter.com/CuSG3LxkCZ
— SPL 🇸🇦 (@ActuSPL) February 15, 2024
Neymar u shfaq me një mbipeshë evidente dhe duket se nuk është dukur kurrë më i shëndoshë, por kjo nuk është shenjë alarmi pasi me stërvitjen e duhur dhe rritjen e ritmit, gjithçka do të kthehet shpejt në normalitet. Një foto nga ajo video ka tërhequr fansat pasi një kënd i fotografisë duket se tregon se sulmuesi është jashtë formës muajt e ardhshëm në fushë. Tifozët u futën shpejt në rrjetet sociale për të pyetur dhe tallur sulmuesin, me një që sugjeronte se ‘Neymar nuk duket në formë’ dhe një tjetër duke thënë se ‘pensionimi po thërret’.
