Së fundmi këngëtari i njohur, Charlie Puth ka njoftuar datën e publikimit të këngës së tij të ardhshme “That’s Hilarous”. Përmes rrjetit të tij social, Instagram, Charlie publikoi një video ku shpjegoi se kënga flet për një ndarje sfiduese dhe të dhimbshme.
Thjesht më sjell kujtime sa herë e dëgjoj, më falni. Unë jam shumë i emocionuar që ju do e dëgjoni këngën që më ktheu në vitin 2019, i cili ishte viti më i keq i jetës sime. Kurrë nuk u thashë njerëzve se çfarë më ndodhi dhe dhimbjen që përjetova pas ndarjes më të keqe të jetës sime në 2019. Unë thjesht doja ta hidhja pas si histori dhe thjesht të filloja nga e para dhe të rrethohesha me njerëz më të mirë. Kjo është kënga më e vështirë që më është dashur të krijoj ndonjëherë dhe jam shumë i emocionuar që ju do e dëgjoni. Prandaj faleminderit.
Edhe pse ai nuk e përmendi emrin e partneres që e frymëzoi për këngën e tij të re, Puth theksojmë se ishte në një romancë dashurie me këngëtaren Charlotte Lawrence në vitin 2019. Para saj, ai ka qenë i lidhur me këngëtaren e njohur Selena Gomez dhe aktoren Halston Sage.
Së fundmi, Charlie ka folur për miqësinë e tij me Elton John, duke e quajtur këngëtarin ikonë njeri shumë të ndershëm. Në të vërtetë, kur dyshja u bashkuan për një duet në albumin e John’s 2021 “The Lockdown Sessions”, Puth tha se John kishte thënë disa fjalë të ashpra për diskografinë e tij.
Ikona e muzikës u bashkua me krijuesin e hitit “How Long” për baladën “After All”, e cila shfaqet në albumin e Elton John, “The Lockdown Sessions”.
Charlie është një muzikant i mahnitshëm. Ai është bërë mik i familjes. Fëmijët e mi e duan atë dhe ai i do ata.
