Era ka ndryshuar drejtim në Spanjë dhe ajo po fryn nga Madridi. Nga viti 2008 deri në vitin 2019, Barcelona ishte zot në “El Clasico”. Faza më e shkëlqyer në historinë e klubit katalanas u pasqyrua në rezultatet ndaj Realit, i cili mundi të fitonte vetëm 10 nga 39 ndeshje. Por duke filluar nga viti 2020, skuadra e bardhë ka gjetur formulën të ndryshojë rolet duke u kthyer nga e ndjekëse në e ndjekur. I tillë ka qenë revolucioni për Realin e Madridit që mund të mburret se ka arritur serinë më të mirë të rezultateve (fitoreve) kundër Barcelonës në pothuajse 60 vjet. Carlo Ancelotti është padyshim një figurë e rëndësishme në këto suksese të klubit madrilen.
Reali i Madridit do të përballet sërish me Atletikon, një javë pas gjysmëfinales së Superkupës së Spanjës. Këtë herë përballja vlen për 1/8 e finaleve në Kupën e Mbretit. Rivali është i njëjti, por të rrethanat e tjera do të jenë krejt ndryshe. Nuk do të luhet në një fushë neutrale si në Arabi, që më shumë ngjante si Madrid. Do të luhet në fushën e Atleticos, në “Metropolitano”. Dhe Reali e Ancelotti e dinë fare mirë se i pret një ambient aspak miqësor. Por për Ancelottin nuk ndryshon gjë, Reali i tij do të kërkojë një vend në çerekfinale.
Ekipin e shoh mjaft mirë. Në shtëpinë e Atleticos do të jetë shumë e vështirë. Nuk do të jetë si në Arabi, pasi në fushën e tyre janë tjetër gjë. Unë respektoj vendimet e secilit klub. Nëse Atletico do të na rezervojë një parakalim nderi, shumë mirë. Nëse nuk e bën përsëri shumë mirë.
