Të ftuar në emisionin “Top Story” kanë qenë disa nga figurat më të shquara në industrinë e filmit në Shqipëri. Prej disa vitesh producentë dhe regjisorë janë duke eksploruar në një treg që ka shumë hapësirë por pak mbështetje. Prodhimi i parë i Top Channel Films, “Në Kuadër të Dashurisë”, rezultoi një sukses i padiskutueshëm në Shqipëri, me qindra shfaqje në te gjitha kinematë për të vijuar më pas në Kosovës, Maqedoni, Zvicër dhe Itali.
Producenti Ermal Mamaqi, i ftuar në diskutimet për epokën e re të filmit shqiptar dha disa opinione dhe si mund të ndihmohet financiarisht industria dhe filmi independet, siç e quan ai. Një pjesë e shpenzimeve që bëhen për të xhiruar një film duhet të kompensohen nga shteti.
50% ka filmi amator, 20% filmi komercial dhe 30% është një lloj buxheti që i atribuohen filmave të huaj, “tax free”, ky është një subvencion që duhet të futet edhe në Shqipëri pasi ndihmon edhe në prodhimin e filmave të huaj që mund të xhirohen në Shqipëri. Jo më larg se në Janar pata xhirime me një kompani italiane. Filmi u xhirua pothuajse i gjithi në Shqipëri. Buxheti që u harxhua ishte 300 mijë euro, jo ndonjë gjë, por siç erdhën u lanë të gjitha këtu, duke mos e bërë të lumtur palën italiane. E gjithë bota e ka kështu. Nëse ti do të xhirosh një film në Itali, ti harxhon 100 mijë euro kur kthehesh ata të japin 35 mijë euro mbrapsht.
Një tjetër faktor sipas Ermalit është:
Të zbritet nga tatim fitimi sponsorizimi i firmave që ndihmojnë dhe mbështesin filmin.
Faktor që edhe producenti Ledion Liço u bashkua. Producenti Ols Abazi mendon ndryshe nga dy producentët e tjerë. Ai tha:
Nëse në Shqipëri do të kishte 1 kinema çdo qytet unë do të bëja 5 filma në vit. Sepse industria e filmit në Amerikë nuk ka lidhje me shtetin, ka lidhje me kinematë. Ti bën një produkt dhe ua çon atyre që e blejnë.