Para disa javësh në “Big Brother VIP”, shtëpisë më të të famshme në Shqipëri ju shtua një banore e re dhe bëhet fjalë pikërisht për Big Mama-n. Këngëtarja njihet për natyrën e saj pa filtra dhe që thotë çdo gjë si e mendon. Mirëpo, në një debat që i ka fillesat që prej hyrjes së këngëtares në shtëpi me një tjetër banore, Antonelën duket se eskaloi spektaklin e mbrëmjes të së premtes që përfundoi me fyerje shumë të rënda nga ana e Big Mama-s kundrejt kësaj të fundit.
Jo vetëm kaq, por ajo kërcënoi duke thënë se do të përdorte edhe dhunë fizike. Nga ana tjetër, Antonela zgjodhi të qëndrojë e qetë duke mos agravuar më tej situatën.
Më pas, këngëtarja zgjodhi të lë shtëpinë e “Big Brother VIP” menjëherë. Edhe pse Arbana kërkoi ta qetësonte për të ulur paksa tensionin, Big Mama ishte e vendosur për t’u larguar përfundimisht nga shtëpia dhe kështu ndodhi. Pas këtij sherri banal, artistja nuk është më banore.
Mirëpo, ndjekësit kanë filluar të dyshojnë se mos ndoshta largimi i saj ishte i planifikuar. Lidhur me këto spekulime në një intervistë të dhënë për “Shqipëria Live”, këngëtarja është shprehur:
Gjithë shoqërinë e kam patur në dasmë. Unë sa kam dalë kam dashur të vij për Maqedoni se më kishte marrë malli, isha tepër e mbingarkuar në shtëpi, dhe për t’i takuar shkova aty. Nuk ka qenë e programuar aspak.
Big Mama sërish u shpreh se nuk është penduar për situatën që ndodhi dhe tregoi se kjo do të ishte hera e fundit që përmendte Antonelën.
