Mjafton një postim në Twitter nga Ivanka Trump për të zemëruar qindra përdorues të këtij rrjeti social një ndër to edhe aktorin Jason Isaacs.
Ajo shkruan në Twitter se u frymëzua nga fjalimi i Oprah Winfrey në ceremoninë e ndarjes së çmimeve “Golden Globes” dhe ka menduar të bëjë një thirrje nëpërmjet hashtag-ut ‘#timesup’. Komentet që ajo ka marrë kanë qënë negative dhe shumë ndjekës të irrituar kanë shkruar se babai i saj edhe pse President i Shteteve të Bashkuara, është akuzuar për ngacmime seksuale në të kaluarën.
Aktori i famshëm i “Star Trek: Discovery” ka vendosur t’i kundërpërgjigjet me një tjetër postim duke hedhur baltë mbi emrin e Ivanka-s dhe duke e quajtur atë një kukull ‘barbie’ pa tru. Në postimet e tij ai ka shtuar se nuk ka ndër mend t’i kërkojë falje një vajze e cila i është nënshtruar disa ndërhyrjeve plastike për t’u dukur kështu siç është tani.