Gjithmonë në role filmike të realizimeve prestigjose të Hollywood, Keira Knightley tashmë do ta shohim në një zhaner krejtësisht të ri dhe të panjohur për të.
35-vjeçaren bukuroshe do ta shohim për herë të parë në një serial televiziv të quajtur “The Other Typist”, një përshtatje e novelës me të njejtin emër nga Suzanne Rindell.
Ky rol do ta rikthejë edhe një herë aktoren në qendër të vëmendjes pas një shkëputjeje disa vjeçare për shkak se u bë nënë dhe dëshironte të merrte pak kohë pushim për familjen e saj.
Knightley është e njohur për rolet e saj në filma gjigantë si; “Love Actually”, “Pride & Prejudice”, “Colette”, “Pirates Of The Caribbean” etj.
Në serinë televizive “The Other Typist” ajo do të ketë gjithashtu detyrën e rëndësishme të producentes ekzekutive.
