Nga një fytyrë ‘duke qarë me të qeshur’ në një raketë hapësinore, ka një emoji për pothuajse çdo gjë. Tani mjekët kanë sugjeruar se ato mund të përdoren për të ndihmuar pacientët me goditje në tru ose ata që janë në ventilatorë të shprehin simptoma.
Kendrick Davis, një shkencëtar në Universitetin e Kalifornisë, Riverside, ka krijuar një sistem matjeje të bazuar në emoji për dy vitet e fundit. Duke shkruar në Gazetën e Shoqatës Mjekësore Amerikane, ai tha se ato mund të jenë një mjet i dobishëm për pacientët që nuk mund të flasin. Davis tha:
‘Emoji-t kanë tërheqje universale. Përdorimi i tyre mund të anashkalojë nivelet e arsimit, gjuhës dhe moshës. Ata hapin një urë komunikimi. Ato përdoren kaq lehtë në komunikim dhe përjashtojnë vetëm disa popullata, siç janë personat me shikim të dëmtuar. Shoqëritë mjekësore duhet të bashkohen për të rënë dakord për një grup gjithëpërfshirës simbolesh që njihen dhe kuptohen botërisht.
Duke promovuar komunikim efektiv midis pacientëve dhe ofruesve të kujdesit… mund të zhvillohet një sistem universal gjuhësor i bazuar në emoji me një marrëveshje të përbashkët kuptimesh. Shumë prej nesh preferojnë që gjatë bisedave në telefon me njerëzit ose në rrjetet sociale të përdorin edhe emoji. Por a jeni bërë ndonjëherë kuriozë se kush është emoji më i përdorur?
Rikujtojmë se, në rrjetin social Twitter emoji duke qarë është zyrtarisht emoji më i përdorur në të gjithë botën dhe tani mund të kthehet edhe në modë. Në tërësi emoji ka kaluar nëpër faza të ndryshme në internet gjatë viteve të fundit, duke u etiketuar si një mjet komunikimi. Emoji duke qarë u lëshua me grupin e parë të emoji-ve në vitin 2011 dhe ishte emoji më i popullarizuar nga viti 2019 deri në 2021.
