Artistja e njohur Megan Thee Stallion së fundmi nëpërmjet një video të postuar në llogarinë e saj në rrjetin social Instagram ka zbuluar pak nga projekti i saj më i ri muzikor që do të vijë së shpejti. Reperja ndau një video të shkurtër me fokus buzët e saj ndërkohë që thotë:
Ashtu si një gjarpër hedh lëkurën e tij, ne duhet të hedhim të kaluarën tonë.
Klipi vijon me një pamje të këngëtares me sy që ngjasojnë me ato të gjarprit. Vështrimi i fshehtë më pas përfundoi me dy rrjeshta që lexonin “Një histori nga Megan Thee Stallion” dhe “Me regji nga Douglas Bernardt”.
View this post on Instagram
Postimi mbante mbishkrimin “ACT ONE”, gjë që bëri që ndjekësit dhe fansat të komentonin menjëherë dhe të jepnin mendimin e tyre. Postimi i fundit i Megan pason edhe situatën e krijuar së fundmi nga Megan Thee Stallion që arriti t’i jepte zgjidhje mosmarrëveshjes ligjore me ish-Label 1501 Certified Entertainment. Shtëpia diskografike njoftoi në mediat sociale se këngëtarja dhe labeli “kanë arritur reciprokisht një marrëveshje konfidenciale për të zgjidhur mosmarrëveshjet e tyre ligjore”. PEOPLE konfirmuan se çështja u zgjidh në favor të Meganit.
