Këngëtari i njohur Ne-Yo ka kërkuar së fundmi falje për komentet ofenduese që bëri për prindërit e fëmijëve transgjinorë. Më anë të një postimi në Twitter ai shkroi:
Pas shumë reflektimeve, do të dëshiroja t’i shpreh faljen time më të thellë kujtdo që mund të kem lënduar me komentet e mia për prindërimin dhe identitetin gjinor. Unë kam qenë gjithmonë një avokat për dashurinë dhe përfshirjen në komunitetin LGBTQI+, kështu që e kuptoj se si komentet e mia mund të ishin interpretuar si të pandjeshme dhe fyese. Sinqerisht kam në plan të edukoj më mirë veten mbi identitetin gjinor, në mënyrë që t’i qasem bisedave të ardhshme me më shumë ndjeshmëri. Unë drejtoj me dashuri dhe mbështes lirinë e shprehjes së të gjithëve dhe kërkimin e lumturisë.
Kjo vjen disa ditë pasi fituesi i “Grammy”-t tha se nuk i kupton prindërit që i lejojnë fëmijët e tyre të marrin vendime për identitetin e tyre gjinor në moshë të re.
Ndjehem sikur prindërit pothuajse kanë harruar se cili është roli i një prindi. Nëse djali juaj i vogël vjen tek ju dhe ju thotë: “Babi dua të jem vajzë, ju thjesht e lini të vazhdoj me këtë?
Rikujtojmë, se kantautori i “Let Me Love You” ka dy fëmijë, vajzën Madilyn, 12-vjeçe dhe djalin Mason, 11-vjeç, me ish të fejuarën dhe yllin e “RHOA”, Monyetta Shaw. Ai është gjithashtu baba i tre fëmijëve me ish-gruan Crystal Renay. Në vitin 2022, Renay e akuzoi Ne-Yo se ai e tradhtoi më shumë gra. Ajo bëri kërkesë për divorc verën e kaluar, duke pretenduar se ai kishte mirëpritur një fëmijë me një grua tjetër.
