Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Pas dënimit me burg, Fjolla Morina zhduket nga rrjetet sociale!

Javët e fundit, Fjolla Morina ka qenë në qendër të vëmendjes nga mediat rozë. Lajmet për të nuk kanë pasur fund, duke nisur që nga vendimi i gjykatës për arrest me burg e deri tek dasma përrallore e saj.

Kujtojmë se më 20 janar të këtij viti, Fjolla theu masën e saj të sigurisë, duke e bërë atë një person të kërkuar nga autoritetet e shtetit. Kjo gjë sigurisht nuk e shqetësoi këngëtaren, madje ajo ka treguar se ka udhëtuar drejt Dubait me partnerin e saj, Fisnik Syla nëpërmjet disa fotove të postuara në rrjetin social “Instagram”.

Pas këtyre fotove, të gjithëve iu kanë ngelur sytë tek barku i rrumbullakosur i bukuroshes kosovare. Fjolla më pas merr propozimin për martesë në mënyrën më përrallore të mundshme, në destinacionin e ëndrrave, Maldive. Aty gjithashtu u mbajt edhe ceremonia, ku sigurisht nuk mungonin postimet nga ana e këngëtares, ku ajo shfaqej e veshur me një fustan të bardhë nusërie dhe shumë e lumtur. Sakaq, teksa ajo po shijon jetën në arrati, Gjykata e Kukësit e ka dënuar atë me 6 vite burg, për veprën penale të trafikimit të armëve dhe municioneve.

Rikthehemi tek jeta aktive e Fjollës në rrjete sociale, ku prej lajmeve të fundit duket se këngëtares i ishin shtuar shumë ndjekës dhe faqja e saj e Instagram-it po lulëzonte, por ç’ka ndodhur?!

Duket se Fjolla ka vendosur të largohet nga jeta virtuale, duke e mbyllur llogarinë e saj në Instagram. Lind pyetja se çfarë ka ndodhur në jetën e këngëtares për të marrë këtë vendim drastik?!

Arsyeja e vërtetë dhe më shumë detaje mbeten për tu zbuluar së shpejti.