Me 40 vite në Hollywood, Nicole Kidman ka zbuluar se edhe ajo dyshonte në veten e saj kur mori rolin e yllit Lucille Ball në “Being The Ricardos”. Aktorja 54-vjeçare, shkoi në masa ekstreme për të portretizuar aktoren amerikane, duke dhënë detaje në një intervistë të re me “DuJour” se si ajo filloi të pijë duhan për të arritur zërin e thellë të Lucille.
Nicole, e cila mahniti në një fotosesion shoqërues teksa mbante një bust rozë, foli gjithashtu për thyerjen e stereotipeve për të kaluar ‘datën e saj të afatit’. Filmi dramatik biografik përqendrohet në marrëdhënien midis yjeve Lucille Ball dhe Desi Arnaz dhe në një intervistë të fundit me “DuJour”, Nicole shprehu dyshimet e saj për të luajtur një rol kaq ikonik. Aktorja e njohur kujtoi se si i tha trajnerit të saj vokal Tom Jones se do të ishte e pamundur të arrihej një zë i thellë duhanpirësi që kërkohej për rolin.
Ata vendosën që Lucy-t i duhej të kishte një zë të thellë duhanpirësi, kështu që unë fillova të pi duhan. Nëse përgatitem për një minutë, tani mund ta bëj zërin e saj në kokën time.
Pavarësisht se regjisori Aaron Sorkin e përshkroi atë si perfekte për pjesën, Nicole ishte ende e pasigurt dhe mendonte se ndoshta nuk ishte personi i duhur për rolin. Intervista gjithashtu i lejoi nënës së katër fëmijëve të hidhte dritë mbi plakjen brenda industrisë së aktrimit.
Ekziston një konsensus në industri që si aktore femër, rreth moshës 40-vjeçare karriera jote ka mbaruar. Unë kurrë nuk u ula në një karrige dhe dëgjova dikë të thoshte: “Ti e ke kaluar afatin”, por kam patur raste kur më kanë refuzuar dhe më kanë mbyllur çdo derë.
