Fatkeqësisht ka ndërruar jetë në moshën 71-vjeçare pas një beteje me kancerin ish-ylli i “Page 3” Angela Jay. Modelja, e cila ishte shtylla kryesore e faqeve të të brendshmëve në vitet 1980, ndërroi jetë në krahë të bashkëshorti të saj Ken, pas një beteje të shkurtër me sëmundjen. Duke ndarë lajmin për vdekjen e saj, Ken tha se Angela ndërroi jetë ndërsa ishte në spital në Eastbourne në Sussex-in lindor.
Duke e përshkruar atë ‘si vajza e përsosur fqinje’, Ken i tha “The Sun” se Angela ishte ‘vajza e një minatori nga gropat veriore që guxoi të ëndërronte’. E lindur në Sunderland, Angela ishte pjesë e një agjencie modelimi pasi u transferua në Mançester.
Duke përshkruar herën e parë që pa Angela-n, Ken tha se ajo kishte një palë xhinse të veshura dhe një bluzë të gërshetuar dhe dukej shumë e bukur. Gjatë karrierës së saj, Angela ishte gjithashtu fytyra e markës së të brendshmeve Gossard dhe punoi me boksierin Henry Cooper për reklamat e tij Brut Aftershave.
