Në prag të stërvitjes së NATO-s, vijon zbarkimi i mjeteve e ushtrisë amerikane në Portin e Durrësit. Ministri i Mbrojtjes, Niko Peleshi ka publikuar një video nga porti i Durrësit ku shihet fluksi i madh i mjeteve ushtarake, një përqendrim që zyrtarët amerikanë thanë se nuk është parë në vendin tonë që nga Lufta e Dytë Botërore.
Peleshi shkruan se tashmë gjithçka është gati për të çelur “stërvitjen e përbashkët më të madhe”
Nga porti i Durrësit ku vazhdon me ritëm zbarkimi i trupave dhe mjeteve amerikane. Gjithçka gati për të çelur stërvitjen e përbashkët më të madhe, të zhvilluar në Shqipëri, nga ushtria amerikane dhe forcat tona të armatosura në kuader te NATO, Defender Europe 21
Manovrat Defender-Europe këtë vit kanë përfshirë rreth 28 mijë forca amerikane, aleate dhe partnere nga 27 vende për të kryer operacione të njëkohshme në më shumë se 30 zona trajnimi në më shumë se 12 shtete nga Balltiku dhe Afrika në Detin e Zi dhe Ballkan.
