Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.
Deklarata e Julit se kundërshtaret më të forta që sipas tij meritojnë finalen janë Egla dhe Heidi, krijuan përplasje mes tij, Rozës dhe Erjolës. Sot, ai e ka sqaruar, teksa tha se Erjolën dhe Rozën nuk i konsideron kundërshtare si Eglën dhe Heidin, por mendon se ato e meritojnë finalen.
Juli: E kam thënë gjithmonë që Roza është lojtare e fortë dhe e meriton finalen. Çdonjëri nga ne këtu e meriton finalen. Për Erjolën kam folur gjerë e gjatë. Nga ana tjetër, ajo që kam thënë për Eglën dhe Heidin është që, nga kundërshtarët e mi, këto të dyja nuk i kam parë si kundërshtare, më të arsyeshmit, më cilësorët në debat janë Egla dhe Heidi.