Është e lehtë të mendosh se mund të teshtitësh kur të duash. Në fund të fundit, ka një sërë fakorësh si poleni, mikrobet dhe të tjera që qëndrojnë në ajrin që ne thithim çdo ditë. Herë pas here, mund të kuptoni se në të vërtetë keni probleme me tështitjen, ju duket sikur iu vjen për të tështirë, por thjesht nuk mundeni.
Ka një arsye pse mund të ndiheni kaq të shqetësuar kur nuk mund të tështini: “Tështitja është një përgjigje mbrojtëse,” shpjegon John V. Bosso, një alergolog dhe imunolog, “ju lejon të pastroni hundën nga irrituesit, papastërtitë, alergenet, viruset dhe bakteret”, shton ai.
Ju tështisni kur ka ndonjë stimul që është potencialisht i dëmshëm ose irritues, thotë Neil Bhattacharyya, një specialist gjithëpërfshirës i veshit, hundës dhe fytit. Dhe kur në fakt tështini, kjo mund të ndihmojë të largoni gjithçka që ju bezdis.
5 mënyra për ta bërë veten të tështisni
Ekspertët zbërthejnë disa metoda me të cilat mund të provoni të ‘detyroni’ hundën tuaj të teshtijë përsëri.
1. Shikoni një dritë të ndritshme.
E çuditshme por e vërtetë: Disa njerëz fillojnë të tështijnë kur kanë përballë papritur një dritë të fortë. (Quhet tështitja fototike.) Kjo “stimulon një refleks nervor”, shpjegon Dr. Bosso. Megjithatë, paralajmërim: Kjo funksionon vetëm në rreth një të tretën e njerëzve dhe është një gjë gjenetike, thotë ai. Do të thotë, nëse prindërit tuaj tështijnë kur shohin një dritë të fortë, gjasat janë më të mëdha që ju të bëni të njëjtën gjë. Nëse jo, mund të mos funksionojë.
2. Nuhasni një erëz të fortë.
Erëzat si piper, kanellë dhe kajen mund të shkaktojnë ndjesinë e tështitjes. “Ato irritojnë mbaresat nervore të hundës,” shpjegon Dr. Bosso. Ju mund të keni rezultate shpejt dhe shumica e njerëzve do të kenë një reagim, thotë ai.
3. Gudulisni pjesën e brendshme të hundës.
Përdredhni një pecetë dhe futeni butësisht në hundë për ta stimuluar atë nga brenda. Kjo gjë gudulis mbaresat nervore të hundës, thotë Dr. Bosso, duke shtuar se tek shumica e njerëzve funksionon shumë shpejt. Vetëm mbani parasysh këtë këshillë nga Nadine M. Aktan, PhD, asistent dekane e praktikës së avancuar në Shkollën e Infermierisë Rutgers: “Futja e ndonjë gjëje shumë larg në hundë nuk rekomandohet.”
4. Shkëpusni qimet e hundës.
Shkëputja e qimeve të hundës stimulon nervin tuaj trigeminal (një pjesë e sistemit tuaj nervor që dërgon dhimbje, prekje dhe ndjesi temperature nga fytyra juaj në tru) dhe mund të shkaktojë një tështitje, thotë Dr. Bosso. Megjithatë, jini të vetëdijshëm se “do të dëmtojë”, paralajmëron ai.
5. Shkëpusni qimet e fytyrës.
Shkëputja e qimeve të fytyrës, si një vetull e humbur, gjithashtu mund të stimulojë nervin tuaj trigeminal dhe të shkaktojë një tështitje, thotë Aktan. Ky veprim do t’ju bëjë të tështisni mjaft shpejt. Por, si të shkulni qimet e hundës, ju vërtet dëshironi ta provoni këtë vetëm një ose dy herë.
