Portali britanik Metro ka vlerësuar performancën e këngës “Mall” të Eugent Bushpepa-s.
Shtetet pjesëmarrëse në festivalin Europian si çdo vit zhvillojnë promovimin e këngëve të tyre në vende të ndryshme të Europës dhe përfaqësuesi ynë ka tërhequr vëmendjen e britanikëve.
Në një artikull ku komentohen të gjitha performancat pas promovimit në Amsterdam, Shqipëria cilësohet si një ndër më të mirat së bashku me Mbretërinë e Bashkuar, Spanjën, Finlandën dhe Australinë.
“Surpriza e mbrëmjes ishte Shqipëria. “Mall” u prit shumë mirë nga publiku dhe është një ndër ato këngë që nuk duhet t’i mungojë finales”,shkruan Metro.
Kujtojmë se Eugent Bushpepa këndon i treti në natën e parë të gjysmëfinales së Eurovizion, më 8 maj në Lisbonë.
