Presidenti Ilir Meta ka reaguar pas deklaratave të bëra nga Ministri i Punëve të Jashtmen të Greqisë, Nokos Dendias, lidhur me zgjidhjen e çështjes së detit.
Në një konferencë për shtyp, Meta tha se në rolin e presidentit ai i ka kërkuar tre herë kryeministrit të Shqipërisë, Edi Rama, që t’i udhëheqë ai negociatat, por nuk ka patur asnjë kërkesë zyrtare për autorizimin nga ana e kreut të qeverisë.
“Dua të sqaroj se Ministri për Europën dhe Punët e Jashtme, zoti Bushati, paraqiti kërkesën për nisjen e procesit të negociatave me Greqinë për yonat e tyrë detare.Pas paraqitjes së info shtesë, presidenti autorizoi ministrin që sipas kritereve të lëshojë fuqinë për negociatorëve. Qëllimi saktësia e vijës delimituese. Grupi negociator është pajisur me autorizim për kufizimin e zonave detare. Sipas autorizimimit, vetëm grupi negociator është mandatuar për të negociuar me palën greke. Prill-Qeshor 2018 janë zhvilluar tre negociate. Presidenti është vënë në dijeni për disa shqetësime serioze. Mes presidentit dhe kryeministrit është realizuar një takim ku u dakordësua që kryeministri t’i udhëhiqte negociatat me shtetin gre. Kur kryeministri nuk po merrte asnjë vendim, me shkresë, rikërkoi ndërhyrje për përshpejtim. Sërish nga kryeministri nuk pati asnjë reagim. Në mungesë të reagimit, presidenti përmes një shkrese i rikërkoi ndërhyrjen e tij, duke marrë drejtimin e këtij procesi. Sërish nuk pati asnjë reagim. Nga kryeministri i cili mbajti njësoheshit rolin e ministrit, nuk është përcjellë asnjë info mbi ecurinë e këtij procesi“, tha Meta.
Kryeministri Edi Rama nuk është konsultuar me mua për negociatat mes qeverisë shqiptare dhe asaj greke për çështjen e detit, shprehet Presidenti Ilir Meta.
Komentet e ministrit të Jashtëm grek, Nikos Dendias se ka penguar negociatat pasi nuk i ka dhënë autorizimin kryeministrit Edi Rama, Presidenti Meta i cilëson “tërësisht të pavërteta”, ndërsa shprehet se nuk është informuar për ecurinë e negociatave mes dy qeverive.
“Edhe pse kjo çështje paraqet interes shumë të larta, kryeministri nuk ka qenë transparent.
Presidenti nuk është në dijeni nëse mes dy qeverive është miratuar apo rënë dakord për të ndërprerë, pezulluar apo për të dalë nga negociatat. Presidenti nuk është informuar se me çfarë akti qeveria ka kaluar në negociata, kryeministri nuk është konsultuar apo nuk është pajisur me autorizim nga Presidenti i Republikës”.
Ministri i Jashtëm grek, Nikos Dendias në një intervistë për mediet greke, pak pasi u kthye nga Tirana tregoi se zgjidhja e çështjes së detit mes Shqipërisë dhe Greqisë për Athinën do të marrë rrugë vetëm pasi nga Presidenca të largohet Ilir Meta.
“Kemi rënë dakord të shkojmë në Hagë për çështjen e detit për të vendosur dhe zbatuar të drejtën ndërkombëtare. Por kjo nuk është bërë ende pasi presidenti aktual nuk i jep autorizimin e nevojshëm kryeministrit dhe Presidenti tjetër do të zgjidhet gjatë dy tre muajve të ardhshëm, pra të gjitha këto do të zbatohen”, tha ai.
