Kanceri i laringut është gjithnjë e më i zakonshëm te të rinjtë. Simptoma kryesore është ngjirja e zërit, por mund të ketë edhe probleme me gëlltitjen dhe frymëmarrjen. Një nga shkaqet është infeksioni HPV, të ashtuquajturat papilloma që mund të gjenden në të gjithë regjionin e zgavrës së gojës duke rezultuar në kancer. Simptomat e tumorit të fytit shpesh ngatërrohen me sëmundje të tjera, gjë që rrit rrezikun që sëmundja të zbulohet në një fazë kur kanceri tashmë ka avancuar.
Në varësi të vendndodhjes së kancerit në fyt, mjekët theksojnë se është e nevojshme t’i kushtohet vëmendje simptomave si ndryshime në të folur, personi mund të flasë më butë, me zë të ngjirur ose të ketë probleme me shqiptimin e disa fjalëve. Ngjirja e zërit shfaqet më shpesh për shkak të ftohjes, por nëse zgjat dy javë ose më shumë, drejtohuni menjëherë te mjeku, sepse është një nga simptomat e hershme më të zakonshme të kancerit të fytit. Problemi gjatë gëlltitjes mund të manifestohet si djegie ose dhimbje në fyt gjatë gëlltitjes.
Kanceri i fytit paraqet një sfidë serioze shëndetësore, por me parandalimin adekuat, ekzaminimet e rregullta mjekësore dhe trajtimin e duhur, shanset për të kapërcyer me sukses këtë sëmundje mund të rriten ndjeshëm. Rritja e ndërgjegjësimit për rëndësinë e një stili jetese të shëndetshëm dhe zbulimi i simptomave të kancerit të fytit mund të luajë një rol kyç në ndalimin e përhapjes së kësaj sëmundjeje. Është e rëndësishme që individët të informohen për faktorët e rrezikut dhe të ndjekin këshillat e ekspertëve për të reduktuar mundësinë e zhvillimit të kancerit të fytit. Ngjirja e zërit është gjithmonë një shenjë se diçka po ndodh me trupin.
