Hoteli i yllit të futbollit Cristiano Ronaldo në Marok është kthyer një vend strehimi për disa nga të mbijetuarit e tërmetit katastrofik. Tërmeti me magnitudë 6.8 ka lënë mbi 2 mijë të vdekur dhe mbi 2 mijë të tjerë të plagosur. Si rezultat, njerëzit kanë shkuar në çdo ndërtesë që munden për të gjetur strehë pas katastrofës natyrore, duke përfshirë hotelin e Ronaldo-s.
Ky i fundit i quajtur “Pestana CR7 Marrakech” është vlerësuar me katër yje. Ndërkaq, një i mbijetuar i tërmetit tha:
Tani kemi arritur të akomodohemi në hotelin e Cristiano Ronaldos, i cili është në periferi. Ne jemi duke pritur, kemi fjetur gjithë natën në rrugë dhe në shtatë të mëngjesit na kanë thënë se po, mund të akomodohemi.
