‘Shang-Chi and the Legend of the Ten Rings’ pritet që të debutojnë në ‘Disney Plus’ më 12 Nëntor, si pjesë e saj. Pavarësisht se ‘Shang-Chi and the Legend of the Ten Rings’ është një prodhim i ‘Marvel Studios’ pritet që tani të shkojë në shtëpinë e ‘Disney Plus’.
Drejtori i përgjithshëm i ‘Disney’ Bob Chapek e zbuloi këtë gjatë konferencës së 30-të vjetorit të ‘Goldman Sachs Communacopia’. Ajo datë gjithashtu shënon edhe përvjetorin e dytë të lançimit global të shërbimit të transmetimit, i cili do të njihet si ‘Disney+ Day’ nga sot e tutje.
Ndryshe nga ‘Black Widow’ e ‘Marvel Studios’, e cila u shfaq si në kinema ashtu edhe në ‘Disney Plus’ në të njëjtën kohë, ‘Shang-Chi and the Legend of the Ten Rings’ u shfaq vetëm në kinema më datë 3 shtator.
Rikjtojmë se pas lançimit të filmit në kinema me 3 shtator, aktori kryesor i filmit Simu Liu gjatë një interviste u shpreh se postimi i tij në rrejtin social Twitter, i bërë që në vitin 2018 mund të ketë qenë një shtysë që ai të bëhej pjesë e kastit të këtij super filmi. Në dhjetor të vitit 2018, Marvel bëri të ditur se kishte punësuar Dave Callaham për të shkruar skenarin për filmin e ri që do të vinte. Aktori Simu me sa duket iu përgjigj lajmit në mënyrën e tij, nëpërmjet Twitter -it, që atëherë kur ai kishte vetëm 500 ndjekës dhe i kërkonte Marvel-it të bëhej pjesë e kastit pasi ishte i interesuar për rolin.
OK @Marvel, do të flasim apo çfarë? #ShangChi
Gjatë intervistës aktori u shpreh se e kishte postuar për arsyen e vetme ngaqë ai i donte shumë filmat me superheronj. Ai shtoi gjithashtu se:
Është e mrekullueshme tani që po marr të gjitha meritat në këtë moment, për ta bërë atë të drejtë, por jam i sigurt se ka mijëra tweet-e nëse ktheheni aq larg sa mund të ketë gjëra që unë nuk i kam kuptuar siç duhet ose të parashikoj të ardhmen krejtësisht gabimisht.
