Këngëtari me origjinë shqiptare Ermal Meta, do jetë pjesmarrës për herë të tretë në festivalin më të madh në Itali, “Sanremo”.
Këtë herë këngëtari që korri sukses me dy pjesëmarrjet e para do të vijë në bashkëpunim me këngëtarin e famshëm italian Fabrizio Moro. Dyshja do të vijnë fuqishëm me një prurje aktuale që flet për frikën e njerëzimit nga terrorizmi.
Ata e kanë lajmëruar këtë pjesëmarrje duke shkruar në rrjetin social Facebook se kënga është një rebelim i njerëzimit ndaj frikës së krijuar nga sulmet terroriste.
Festivali vjetor “Sanremo” do të mbahet prej datës 6 deri në 10 shkurt në teatrin “Ariston” nën drejtimin e këngëtarit të madh Claudio Baglioni.