Një grua nga Virxhinia fitoi një çmim të parë prej 912,936 dollarësh nga një lojë lotarie në internet, vetëm një javë pasi fitoi 50,000 dollarë nga e njëjta lojë. Jennifer Minton u tha zyrtarëve të Lotarisë së Virxhinias se po përdorte telefonin e saj për të luajtur lojën në internet Safari Quest ndërsa ishte ulur pranë një kampi zjarri kur vuri re se çmimi i parë ishte rivendosur.
“Dang, dikush sapo goditi. Ata janë shumë me fat,”- kujton Minton duke menduar. Gruaja e kuptoi pak çaste më vonë se ajo ishte fituesja me fat e xhekpotit prej 912,936 dollarësh. “Jam në shok,”-tha fituesja. “Akoma nuk e besoj!” Rikujtojmë, se shteti i Kalifornisë ka miliarderin më të ri në Shtetet e Bashkuara dhe kjo falë një bilete lotarie të Power Ball. Sipas mediave amerikane, fituesi i Jackpot është vetëm një person, identiteti i të cilit nuk bëhet me dije. Fituesi ka rrëmbyer në këtë mënyrë jackpotin e dytë më të madh në historinë e kësaj lotarie.
Ai ka mundësinë që të tërheqë të gjithë shumën e plotë për 30 vite ose të marrë 774 milionë dollarë përnjëherë në dorë. Ndërkaq, një burrë nga Michigani fitoi lotarinë e tij të dytë të madhe nga loja shtetërore e lotarisë Club Keno The Jack, duke vendosur kështu një rekord të ri. Dan Housler, një 62 vjeçar nga Portage, u tha zyrtarëve të Lotarisë së Miçiganit se ai është një lojtar i shpeshtë i Club Keno The Jack.