Shumë prindër, mendojnë se angazhimi i gjyshërve në rritjen e nipërve dhe mbesave është një çështje argëtuese, që i mbush me emocion, shpresë dhe lumturi. Sipas ekspertëve ka disa mënyra apo hapa të gabuar që ndoshta edhe pa dashje gjyshërit i bëjnë pa marrë miratimin e prindërve më parë. Gjyshërit e konsiderojnë shpesh normale blerjen e dhuratave, por kjo shihet si burim tensioni nëse më parë gjyshërit nuk kanë marrë miratimin e prindërve. Ndonjëherë gjyshërit mund të futen në telashe sepse blejnë gjëra për nipërit/mbesat që prindërit mund të mos i miratojnë, si dhurata të shtrenjta ndaj më parë mirë është që ata të pyesin prindërit.
Nëse një gjysh/e vepron si kujdestar/e mund të lindin pakënaqësi. Shumë herë, gjyshërit harrojnë që fëmijët e tyre janë në punë me orare të zgjatura dhe plot angazhime të tjera, ndaj duhet parë mundësia e ndihmës dhe kohës së kaluar me nipërit/mbesat. Të anashkalosh autoritetin dhe dëshirat e prindërve është një tjetër fushë ku gjyshërit futen në telashe.
Gjyshërit shpesh kanë një qasje ndryshe ndaj prindërimit që mund të jetë në kundërshtim me mënyrën se si fëmijët e tyre po i rrisin nipërit/mbesat. Ata mund të ndihen të mosrespektuar nëse prindërit duket se e shpërfillin përvojën, por në fund të fundit, ata duhet të marrin vendime që duken më të mira për familjen.
Kujdesi për nipërit/mbesat mund të jetë i ndërlikuar dhe shpesh kërkon që gjyshërit të marrin vendime. Është e pashmangshme që në një moment ata të bëjnë diçka kundër dëshirës së prindërve. Mënyra se si e trajtojnë këtë do të vendosë tonin për ecurinë e marrëdhënies. Nëse u tregojnë fëmijëve se e respektojnë kohën dhe autoritetin e tyre si prindër, do i ndihmojë të forcojnë rolin si gjysh/e i/e besuar.
