Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Rajon

Hashim Thaçi del sot për herë të dytë para Gjykatës së Hagës

Prokuroria Speciale në Hagë ka mbledhur 43 mijë faqe material kundër ish-luftëtarëve të UÇK-së nën akuzë për krime lufte e kundër njerëzimit. 153 janë dëshmitarët dhe akuza pretendon se disponon rreth 100 mijë prova, përfshirë raporte, deklarata, foto, dokumente të UÇK-së e mbi 20 orë regjistrime audio-vizive.

Sot zhvillohet Konferenca Statusore mbi ecurinë e çështjes ndaj Hashim Thaçit, Kadri Veselit, Jakup Krasniqit e Rexhep Selimit. Pritet që aty Prokuroria të paraqesë llojin e provave që disponon. Seanca do të fillojë nga ora 11:00. Thaçit i’u konfirmua aktakuza më 5 nëntor i cili po atë ditë u arrestua dhe u dërgua në objektin e Dhomave të Specializuara në Hagë.

Ndërsa, më 9 nëntor Thaçi u paraqit për herë të parë në gjyqin e Dhomave të Specializuara të Kosovës në Hagë, ku u deklarua i pafajshëm për të gjitha pikat e aktakuzës për krime lufte dhe krime kundër njerëzimit, të ngritur nga Dhomat e Specializuara. Pala mbrojtëse tha se do të dorëzojë kërkesën për lirimin e përkohshëm të Thaçit.

Top Albania Radio