Mark Wahlberg ka shitur shtëpinë e tij në Las Vegas për 16.6 milionë dollarë, sipas dokumenteve të marra nga Las Vegas Review Journal dhe të publikuara nga revista People.
Aktori shiti rezidencën e vendosur në komunitetin Summerlin. Ai e kishte blerë shtëpinë rreth një vit më parë pasi vendosi të shpërngulej me familjen nga Kalifornia në Nevada.
Wahlberg bleu rezidencën dykatëshe në gusht 2022 për 14.5 milionë dollarë, sipas Revistës Review. E vendosur në The Summit Club, një komunitet privat që ofron një sërë lehtësish luksoze, duke përfshirë një fushë golfi, programe Wellness dhe rekreative, fusha tenisi dhe siguri 24/7.
Rikujtojmë se, Mark Wahlberg dhe familja e tij nuk e kanë kthyer kokën pas që kur e ndërruan Hollywoodin për Las Vegasin. Aktori zbuloi në tetor 2022 se ai i paketoi gjërat e tij dhe e zhvendosi familjen nga rezidenca e tyre prej 90 milionë dollarësh në Kaliforni në një përpjekje për një jetë më të mirë.
