Sonte në mbrëmje u përfshi nga flakët komisariati nr.5 në bashkinë e Kamzës. Raportohet se zjarri ka rënë në ambientet e brendshme të komisariatit atu ku mbahen personat e ndaluar.
Deri më tani, dy persona janë dërguar në spital, pasi kanë paraqitur probleme me asfiksinë.
Ndërkohë, zjarrfikëset, kanë mundur të neutralizojnë vatrën, ndërsa momentalisht punonjësit e komisariatit u evakuuan nga godina, për shkak të tymit të dendur.
Mësohet se në këto momente zjarri është shuar dhe është vënë nën kontroll, pas ndërhyrjes së forcave zjarrfikëse të Kamzës.
